Kalam کاروان ناجیہ
Views: 1272
حمد
تیرے نام سے ابتدا ہے خدایا
ازل اور ابد تو نے خود ہے بنایا
میری سوچوں سے ماورا تیری ہستی
میرے علم سے تو بلند ہے خدایا
تیری حمد کیسے بیاں کر سکوں میں
تو ذرے میں پنہاں تو ہر جا سمایا
میری التجا ہے تیری بارگاہ میں
مسلمان کی پھر سے پلٹ دے تو کایا
شاہینوں کے مسکن میں گدھ ہیں حکمراں
تیرے دیں پر پھر عجب وقت آیا
تو قادر ہے مولا کرم ہم پہ کر دے
غم مصطفی ﷺ ہم نے دل میں سمایا
محمد اسلم شاہ
